အောင်ကျော်မြေသို့ တမ်းချင်း ....

• အဲ့ဒါ ....

ငါတို့ရဲ့ မြို့လေးပေါ့ ...။

• ကညင်ချောင်းနံဘေးမှာ

တိတ်တိတ်လေး ခွေအိပ်နေတတ်တဲ့ မြို့လေး

နှစ်လုံး, သုံးလုံး, Voucher တွေနဲ့

မတ်ပဲအိတ်, ဆန်အိတ်တွေကို

သူရင်ဘက် ပိန်ပိန်လေးထဲ

မဆန့်မပြဲ သိပ်သိပ်ထည့်ထားရတတ်တဲ့ မြို့လေး .... ။

• စိတ်ကူးကြည့်ရုံနဲ့

တမျှော်တခေါ် ကုဣိုတန်းတွေ

ရိုးမကျော်ဆည်းဆာတိမ်တွေကို

အိပ်မက်စေနိုင်တဲ့ မြို့လေး

ဗိုလ်အောင်ကျော်ကစလို့

.... အဆုံး

သွေးရဲ တတ်သူတွေကိုမှ မွေးထုတ်ပေးတဲ့ မြို့လေး ..... ။

ီတချိန် တုန်း က Down town attack ဆင်နွဲခဲ့သူတွေဟာ

အင်ဂျင်နီယာတွေဖြစ်

ဆရာဝန်တွေဖြစ်

ကုန်သည်ပွဲစားကြီးတွေဖြစ်

တစ်ချို့တွေကလဲ ...

တစ်ချို့တွေဖြစ် ... ပေါ့ .. ။

• ခုတော့လဲ

ဘူတာအုတ်ခုံလေးပေါ်မှာ

စောင်ခြုံ ဂစ်တာ ညတွေငါတို့ မဖန်တီးနိုင်တော့ဘူး .. ။

• မဟာသီရိ ပွဲတော်ညတွေမှာ

ဆီမီးတိုင် မီးပုံးတွေ အောက်က

လရောင်ဆမ်း ချစ်သူ့မျက်နှာကို ရှာမတွေ့တော့ဘူး ... ။

• ကထိန်အိုးစည်သံတွေကြားတိုင်း

ပလွေသံ ၊ စာဥသီချင်းနဲ့

အလှူခံထွက်ဖို့

ကျွဲသိုး က,ချင်လို့ မရတော့ဘူး ... ။

• ဇီးကုန်းရွာ ထန်းတောမှာ

ကြက်ကြော်နဲ့ ထန်းရည်ကို

မြူအိုးနဲ့ တ၀တပြဲ သောက်လို့မရတော့ဘူး .... ။

á တိုတောင်းလွန်းတဲ့ ခရီးမှာ

(ငါတို့ .... )

အိပ်မက်မျှားသူတွေက

အမြင့်ဆုံး ရောက်အောင်ပျံရင်း

အဝေးဆုံး ရောက်အောင်သွားရင်း

မြို့လေးရဲ့ သူစိမ်းဆန်ဧည့်သည်တွေ ဖြစ်မှန်းမသိဖြစ်လို့ ... ။

• တကယ့်တကယ်

အိမ်ပြန်ဒဏ်ရာတွေ အတွက်တော့ 

Placebo တစ်ခွက်တောင် ရှာလို့မတွေ့ပါဘူး .... ။

• အဝေးမှာ

ရထားဥသြသံ သဲ့သဲ့ ကြားတယ်

ဒါ ...

ရန်ကုန် - ပြည်ရထားလား

မြို့ပတ်ရထားလား

ပုသိမ်-ကြံခင်း အမြန်ရထားသံတော့ မဟုတ်တာတော့ သေချာတယ် ... ။

• ဘာပဲဖြစ်ဖြစ်ပေါ့လေ

လက်ချိုးရေတဲ့နေ့တွေ

(၃၆၀) ကျော်သွားရင်တော့

အိမ်ပြန်ချိန်တွေကို မျှော်ရဦးမယ် .... ။

သားငယ်

၂၈.၁၂.၂၀၁၁

အဝေးရောက် မဲဇလီကုန်းသားများသို့ ..... ။

Singapore နှင့် Malaysia မှ သူ ငယ် ချင်း များ အ တွက် ဝေ င လိုက် ပါ သည်

-

-- မူရင်း ကဗျာ ရေး သား သူ

ဒေါက်တာ ဇော်လင်း @ သားငယ်